ابوذیّات سیوف الضاربات
تَغسّلنی تَچفّنّی بلویاک
واحس ابشمرت ازنودک بلویاک
تشاطرنی ابنفح سدری بلویاک
الگلب حزنان چا و انا اشبدیّه
...
بعد بس لا تضر بیّه وضربک
تود اتحزّم ابسیفی وضربک
اخافن توگف ابسدری وضربک
واخلّی الناعیه اتون بالثنیّه
...
یحضّی آاسف احبابک خلت بیک
و الما وصلوا بحر صیتک خلت بیک
یگلبی الساسه کرهتّک خلت بیک
اتعدّه ابزودک او طوف الردیّه
...
وحق سورة برء او یاسین ونّاس
ما اود الیخون الخلگ ونّاس
اود البشر لو یم حشر ونّاس
الیسر احبابه ما تلفاه اذیّه
...
الطاروا بیّه آه سدّوا مطرهم
ولا امرّن علی حیهم مطرهم
البیهم خلّه میبلل مطرهم
عفا اتلگّه الفشگ بثنین ادیّه
...
وحق موگد هلی او صیته و دلته
او نخلنه الشامخ ابداره ودلته
الما بیه غیره لحبابه ودلته
حرام اعلیک عوفه ابلا تچیّه
...
البیه شر وکت ضیجی او یهد گلّیت
او یرکّون ابّناهم طحت گلّیت
ابنار اعدای گهوة ستر گلّیت
او سگیت اسیاد و الما بیه حمیّه
...
روحی اتشبّگت بهواک بشفاک
طبیبی انت او حیاتی اتدوم بشفاک
فرد بوسة حلگ محتاج بشفاک
امن اشبگنّک ترد الروح الیّه
...
الحب بستان و اعطوره شمالک
العمر خلصته بس یمک شمالک
تغث و اتعذّب ابحالی شمالک
ابعزیزی او گلبی واتصطّر علیّه
...
یحن گلبی علیک انفجر ونطر
او دوره ابیا کتر من جفل ونطر
ابقفص حطّه و اکرمه ابدار ونطر
اذا عندک وفه او غیره او حمیّه
...
مو شیمه الرجل بالضیج مارد
ابوسط وادی او ضفت عطشان مارد
الگلَب دوله علی لو یمر مارد
احس ابجیته نار او تشب بیّه
...
اکرهتنی او تود شیب او شاب من شاع
او جمالک یزهی بین النّاس من شاع
گمر انت او تصد للگمر من شاع
واظن ضی الشمس منّک شعیّه
...
ارتحل منّی الوفه الگلبی ومس راح
ابغیابه ما فرح طبنی ومس راح
حکایه صرنه للعالم ومسراح
ابفلم مضحک من اعناد الخویّه
...
غزال امکحّل اعیونک ودارک
ابسجن مسجون من ضیمک ودارک
الحد من تکرص اببیتک ودارک
قبل لا اموت ردت اتمر علیّه
...
ذبت باوصافک او طبعک وعیدک
امبارک یوم میلادک وعیدک
ابرساله ارسل تحیاتی وعیدک
یعوده ابخیر الک عام ابهنیّه
...
مبروک الف مبروک یوم الولاده
و اتمنّی الک کل عام بس السعاده
...
ابکتاب الحب و احبّنک شعر بیه
او طبعک مختبص بالهم شعر بیه
السانی امن الحچی طالع شعر بیه
اشمعلمک تخطی و اتکرر علیّه
...
هله بالقاصد ادیاری هلاوین
عزیز او بالسعر غالی هلاوین
ابغیابه ما غفت عینی هلاوین
یضمد اجروحی من نگعد سویّه
...
غرگت ابشوگ و النّاجی بلمکم
ابضیمی او مبتلی ابحبکم بلمکم
الوم الروح خاوتکم بلمکم
اللیامه اسناد للماله تچیّه
...
جاسم ثعلبی (الحسّانی) 03/03/1400
:: برچسب‌ها:
ابوذیّات سیوف الضاربات ,
:: بازدید از این مطلب : 1179
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
